The Charlies á Kananum

Það var heldur betur gestagangur í morgunþættinum Egg og beikon á útvarpssstöðinni Kananum í morgun. Þangað voru mættar stúlkurnar í Nylon í þeim tilgangi einum að skila Einari Bárðarsyni, útvarpsstjóra og morgunhana, nafninu Nylon og svipta hulunni af nýju nafni stúlknasveitarinnar.

Þær heita frá og með deginum í dag The Charlies og munu á næstu dögum halda í víking til vesturheims. Þar hefur hljómsveitin landað útgáfusamningi við plötufyrirtækið Hollywood Records sem tilheyrir Disney-samsteypunni.


The Charlies tóku lagið órafmagnað og hljóðfæralaust á Kananum í morgun.

Eftir útsendingu stilltu þær sér upp með Einari Bárðarsyni og tæknitröllinu og útvarpsröddinni, Dóra dimmraddaða.

Víkurfréttamyndir: Hilmar Bragi Bárðarson