Jenný Þórkatla Magnúsdóttir býður sig fram í 2. - 3. sæti

Ég, Jenný Þórkatla Magnúsdóttir, þroskaþjálfi býð mig fram í  2. til 3. sæti á framboðslista  Samfylkingarinnar í Reykjanesbæ í opnu prófkjöri flokksins sem haldið verður þann 27. febrúar næstkomandi í fundarsal Verslunarmannafélags Suðurnesja að Vatnsnesvegi 14 frá kl. 10.00 – kl. 18.00.        

Ég er í sambúð með Arnari Svanssyni og eigum við eina dóttur Eyrúnu Unu. Ég er innfæddur Njarðvíkingur og hef nánast búið hér í Reykjanesbæ alla tíð. Ég vann sem leiðbeinandi og síðar deildastjóri á leikskólanum Gimli í 7 ár, í 4 ár vann ég hjá Svæðisskrifstofu málefna fatlaðra á Reykjanesi sem stuðningsfulltrúi síðar sem forstöðumaður í frekari liðsveislu, deildastjóri á leiksóla í Noregi í rúmt 1 ár og  leysti af hjá Fjölskyldu og félagssviði  Reykjanesbæjar í rúmt ár.

Eftir að ég kláraði þroskaþjálfanámið hef ég starfað sem yfirþroskaþjálfi og deildarstjóri í Hinu Húsinu, miðstöð ungs fólks í Reykjavík og verið stundakennari hjá MSS í fullorðinsfræðslu fatlaðra.
                                                                                                                                
Ég er formaður Samfylkingarinnar í Reykjanesbæ og formaður íþróttafélagsins Nes.  Einnig sit ég í stjórn íþróttabandalags Reykjanesbæjar. Í gegnum tíðina hef ég setið í  ýmsum nefndum fyrir bæjarfélagið og tekið virkan þátt í pólitísku stafi allt frá unglingsárum fyrst fyrir Alþýðuflokkinn og síðar fyrir Samfylkinguna.

Jenný Þórkatla Magnúsdóttir.