Utankjörfundaratkvæðagreiðsla Sjálfstæðisflokksins

- í Reykjanesbæ hefst á mánudag

Utankjörfundaratkvæðagreiðsla vegna prófkjörs Sjálfstæðisflokksins fyrir bæjarstjórnarkosningarnar í vor hefst í Reykjanesbæ á mánudaginn. Hægt verður að greiða atkvæði í félagsheimili sjálfstæðismanna í Reykjanesbæ, Hólagötu 15 í Njarðvík, alla virka daga fram að prófkjöri frá kl. 17.00 til 19.00 og laugardaginn 20. febrúar frá kl. 13.00 til 15.00.

Nú þegar hafa nokkrir aðilar kosið utan kjörfundar í Valhöll, samkvæmt upplýsingum frá kjörnefnd, en þar verður einnig hægt að greiða atkvæði fram að prófkjörinu 27. febrúar.

Alls hafa fjórtán manns gefið kost á sér í prófkjörinu og má sjá sýnishorn af kjörseðlinum á mynd með fréttinni.