Glæsileg flugeldasýning í anda Ljósanætur

Á bilinu 40-50 þúsund manns voru á hátíðarsvæði Ljósanætur í kvöld og nutu veglegrar kvölddagskrár þar sem valinkunnir tónlistarmenn tróðu upp. Hápunktur kvöldsins var Suðurnesjasvítan en þar fluttu úrvals tónlistarmenn lög úr tónlistararfi Keflavíkurpopparanna sem mörkuðu spor í Íslenska tónlistasögu á öndverðum sjöunda áratugnum.
Tónlistardagskránni lauk með Ljósanæturlaginu í ár, „Ég sá ljósið, sem tileinkað er minningu Rúnars Júlíussonar.

Dagkrá kvöldsins lauk svo formlega með glæsilegri flugeldasýningu í umsjón Björgunarsveitarinnar Suðurnes. Umferð frá hátíðarsvæðinu hefur gengið prýðilega í kvöld.

Svipmyndir frá kvöldinu eru komnar inn á ljósmyndavef Víkurfrétta, sjá hér

Myndband frá tónlistardagskrá kvöldsins er í Vefsjónvarpi Víkurfrétta hér á vf.is

---

VFmynd/elg.