Aldraðir fá gefins ýsu

Ýsa var það heillin, sagði kerlingin í þjóðsögunni, og þau orð gætu eldri borgarar á Patreksfirði hafa notað nú í ársbyrjun. Þá fengu allir íbúar Patreksfjarðar, 67 ára og eldri gjafabréf frá Fiskiðjunni Odda upp á fimm kíló af ýsu.

Oddi fór reyndar aðrar leiðir en mörg önnur fyrirtæki varðandi jólaglaðninga hvers konar. Fyrirtækið greiddi öllum starfsmönnum sýnum auka jólabónus í formi sex 5000 króna gjafabréfa sem giltu í allar verslanir á Patreksfirði. Með því vildi fyrirtækið hvetja fólk til að versla í heimabyggð fyrir jólin. Nú á nýárinu bætti Oddi um betur og gaf öllum eldriborgurum ýsu í soðið.

frettir@ruv.is