Gönguleiðir á Reykjanesi: Selatangar - Katlahraun

Miðja vegu milli Grindavíkur og Krýsuvíkur eru rústir gamallar verstöðvar á Selatöngum. Þetta eru með merkilegustu minjum á landinu um sjósókn fyrri alda. Örlítið vestar er að finna stórbrotna hraunmyndun í Katlahrauni.

Hér má nálgast kort af svæðinu.

Göngulengd: Um það bil 4-5 km eftir vild. Um að gera að gefa sér góðan tíma, rölta um svæðið og njóta þessa kynngimagnaða umhverfis. Auðveld ganga.

Göngutími: Gott að gefa sér 3-4 tíma.