Alda innbrota á Suðurnesjum - lögreglan hvetur fólk til að vera á varðbergi

Það sem af er marsmánuði hafa verið framin 14 innbrot í umdæmi lögreglunnar á Suðurnesjum. Í febrúarmánuði voru innbrotin 12 og þau voru 9 í janúar.

Brotist hefur verið inn í iðnaðarhúsnæði í Grófinni og Selvík í Reykjanesbæ nú í þessari viku. Fyrir viku síðan var farið í fimm hesthús á Mánagrund.  Í hesthúsnum var t.d. stolið verkfærum og rótað til.
 

Í marsmánuði hefur verið brotist inn á veitingastað í Grindavík og þaðan stolið skjávarpa.
 

Skúli Jónsson hjá lögreglunni á Suðurnesjum hvetur fólk til að láta lögreglu vita af grunsamlegum mannaferðum og láta vita ef fólk býr yfir upplýsingum um hugsanlega innbrotsaðila.
 

Fólki er bent á að hringja í 112 eða símanúmerið hjá lögreglustjóra 420-1700 og nær þannig sambandi við lögregluvarðstofu allan sólarhringinn.
 

Fólk getur einnig haft samband um tölvupóst og þá eru póstföngin dc@dc.is fyrir Reykjanesbæ, grindavik@dc.is, sandgerdi@dc.is, gardur@dc.is og vogar@dc.is fyrir viðkomandi sveitarfélög.